कबीराचे विणतो शेले कौसल्येचा राम
भाबड्या या भक्तासाठी देव करी काम
एक एकतारी हाती, भक्त गाई गीत
एक एक धागा जोडी जानकीचा नाथ
राजा घनश्याम !
दास रामनामी रंगे, राम होई दास
एक एक धागा गुंते रूप ये पटास
राजा घनश्याम !
विणुन सर्व झाला शेला, पूर्ण होई काम
ठायी ठायी शेल्यावरती दिसे रामनाम
गुप्त होइ राम !
हळूहळू उघडी डोळे पाही जो कबीर
विणूनिया शेला गेला सखा रघुवीर
कुठे म्हणे राम?
गीत – ग. दि. माडगूळकर
संगीत – पु. ल. देशपांडे
स्वर- माणिक वर्मा
चित्रपट – देव पावला
राग – यमन
गीत प्रकार – राम निरंजन, चित्रगीत
