पतंगा जशी ओढ ज्योतीकडे
तशी प्रीत माझी तुझ्याशी जडे
जशी धाव घेते नदी सिंधुपाशी
तसे वेड तुझे मनाला जडे
इथे कंटकांनी मला वेढिली
तुला गंधवार्ताही ना लाभली
न साही जीवा भार या सौरभाचा
कधी भृंग धावेल माझ्याकडे?
सदा भास वेडावतो गे तुझा
अशी का दुरुनीच देशी सजा
इथे कंकणांचा, इथे पल्लवांचा
करी सुन्न कल्लोळ चोहीकडे
गीत – यशवंत देव
संगीत – यशवंत देव
स्वर- दशरथ पुजारी, प्रमिला दातार
गीत प्रकार – युगुलगीत, भावगीत
