एकतारीसंगे एकरूप झालो
आम्ही विठ्ठलाच्या भजनात न्हालो
गळा माळ शोभे आत्मरूप शांती
भक्ति-भाव दोन्ही धरू टाळ हाती
टिळा विरक्तीचा कपाळास ल्यालो
भूक भाकरीची छाया झोपडीची
निवार्यास घ्यावी ऊब गोधडीची
माया-मोह सारे उगाळून प्यालो
पूर्व पुण्य ज्याचे मिळे सुख त्याला
कुणी राव होई, कुणी रंक झाला
मागणे न काही सांगण्यास आलो
गीत – जगदीश खेबूडकर
संगीत – सुधीर फडके
स्वर- सुधीर फडके
चित्रपट – बाजीरावाचा बेटा
राग – यमनकल्याण
गीत प्रकार – चित्रगीत, विठ्ठल विठ्ठल
