फेर्यामागे चाले फेरा
प्राणी जुंपला संसारा
डोळां मायेची झापड
पाठी दैवाचा आसूड
कानी शब्द नाही गोड
पोटा वाळले चिपाड
कशासाठी व्याप सारा
प्राणी जुंपला संसारा
नाही आरंभ-शेवट
अशी कळाहीन वाट
पुढे-मागुता अंधार
अन् कष्ट देहासी अपार
नाही विसावा-आसरा
प्राणी जुंपला संसारा
लक्ष चौर्यांशी वेळा
फिरे जन्माचा पाचोळा
अखंडित वावटळा
कोण थांबविल गोपाळा
धाव सत्याच्या दातारा
प्राणी जुंपला संसारा
