गगनसदन तेजोमय
तिमिर हरून करुणाकर
दे प्रकाश देई अभय
छाया तव, माया तव
हेच परम पुण्यधाम
वार्यातून तार्यांतुन
वाचले तुझेच नाम
जगजीवन जनन-मरण
हे तुझेच रूप सदय
वासंतिक कुसुमांतून
तूच मधुर हासतोस
मेघांच्या धारांतून
प्रेमरूप भासतोस
कधी येशील चपलचरण
वाहिले तुलाच हृदय
भवमोचन हे लोचन
तुजसाठी दोन दिवे
कंठातील स्वर मंजुळ
भावमधुर गीत नवे
सकलशरण मनमोहन
सृजन तूच, तूच विलय
गीत – वसंत बापट
संगीत – पं. हृदयनाथ मंगेशकर
स्वर- लता मंगेशकर
चित्रपट – उंबरठा
राग – तिलककामोद
गीत प्रकार – चित्रगीत, प्रार्थना
