मज एकसारखे स्वप्न सख्याचे पडते
मी सुखद क्षणांची माळ अंतरी जपते
हा गंधित वारा गुज सांगतो गोड
लागली मनाला आज सख्याची ओढ
जळथेंब फुलावर त्यात सख्याला बघते
या प्रशांत समयी कोकिळ कूजन करिते
जात्यावर ओवी कुणी भाविका गाते
रविराज स्वागता उष:प्रभा ही नटते
बघ एकसारखी फडफडते पापणी
का हाक तयाची अवचित येते कानी
का संचित मजला जाण शुभाची देते
गीत – म. पां. भावे
संगीत – अशोक पत्की
स्वर- माणिक वर्मा
गीत प्रकार – भावगीत, कल्पनेचा कुंचला
