घनश्याम पाहिला
मी घनश्याम पाहिला
दहीदुध लोणी हरी चोरिले
उखळाला मग तया बांधिले
धडपड करी ते हात चिमुकले
तो नंदलाला पाहिला
मोरपिसांचा मुकुट शोभतो
अधरी पावा मधुर वाजतो
गोपगोपिकांसवे नाचतो
मुरलीधर मी पाहिला
मेघासम तो श्याम सावळा
हृदयमंदिरी माझ्या लपला
स्वप्नी दिसला मधुर हासला
मनमोहन मी पाहिला
गीत – योगेश्वर अभ्यंकर
संगीत – दशरथ पुजारी
स्वर- सरस्वतीबाई राणे
गीत प्रकार – हे श्यामसुंदर, भावगीत
