लटपट लटपट लटपट लटपट
तुझं चालणं ग मोठ्या नखर्याचं
बोलणं ग मंजुळ मैनेचं
नारी ग ऽऽऽ
कांती नव नवतिची दिसे चंद्राचि प्रभा ढवळी
जाईची रे वेल कवळी
दिसे नार सुकुमार नरम गाल व्हट पवळी
जशी चवळीची शेंग कवळी
दिसे नार सुकुमार नरम गाल व्हट पवळी
तारुणपण अंगांत झोक मदनाचं जोरात
चालणं ग मोठ्या नखर्याचं
बोलणं ग मंजुळ मैनेचं
नारी ग ऽऽऽ
रूपसुर्तिचा डौल तेज अनमोल सगुण गहिना
जशी का पिंजर्यांतिल मैना
इच्यासाठिं कितिकांची जनलोकांत झालि दैना
अशी ही चंचल मृगनयना
इच्यासाठिं कितिकांची जनलोकांत झालि दैना
निर्मळ कोमळ तेज ग जैसे तुटत्या तार्याचं
चालणं ग मोठ्या नखर्याचं
बोलणं ग मंजुळ मैनेचं
नारी ग ऽऽऽ
गीत – शाहीर होनाजी बाळा
संगीत – वसंत देसाई
स्वर- लता मंगेशकर
चित्रपट – अमर भूपाळी
गीत प्रकार – चित्रगीत, लावणी
