डोळ्यांत सांजवेळी आणू नकोस पाणी
त्या दूरच्या दिव्यांना सांगू नको कहाणी
कामात गुंतलेले असतील हात दोन्ही
तेव्हा नको म्हणू तू माझी उदास गाणी
वाटेवरी खुणेच्या शोधू नको फुले ती
ना ठेविते फुलांची माती इथे निशाणी
कळणार हाय नाही दुनिया तुला मला ही
मी पापण्यांत माझ्या ही झाकिली विराणी
गीत – मंगेश पाडगांवकर
संगीत – यशवंत देव
स्वर- अरुण दाते
राग – पूर्वा कल्याण
गीत प्रकार – भावगीत, नयनांच्या कोंदणी
