तळमळतो मी इथे तुझ्याविण
शून्य जाहले अवघे जीवन !
गीत उमलले माझ्या ओठी
गाइलेस तू ते मजसाठी
जुळता जुळता रेशीमगाठी
तुटले अवचित कोमल बंधन !
माळ ओघळे फूल ओविता
कवन भंगले शब्द गोविता
स्वप्न लोपले बघता बघता
असह्य आता हे जागेपण !
कळे मलाही तुझी वेदना
साद परि मी देउ शकेना
झाले गेले विसर साजणा !
गीत – शान्ता शेळके
संगीत – राम कदम
स्वर- सुधीर फडके, सुमन कल्याणपूर
चित्रपट – भाग्यलक्ष्मी
गीत प्रकार – चित्रगीत, युगुलगीत
